Качып кеткен айыпталуучуну коштоп жүргөн күзөтчүлөр камакка алынды

© Sputnik / Владимир Песня / Медиабанкка өтүүАбак кызматкери эшикти бекитип жатат. Архив
Абак кызматкери эшикти бекитип жатат. Архив - Sputnik Кыргызстан
Жазылуу
Качып чыккан кылмышкер буга чейин бир нече ирет соттолуп, бул жолкусунда төрт шериги менен май куюучу жайды карактап кетти деп айыпталып келген.

БИШКЕК, 29-фев. — Sputnik. Качып кеткен Азатбек Алымкуловду коштоп жүргөн Аламүдүн РИИБ күзөтчүлөрү камакка алынганын ИИМ билдирди.

Жума күнү 27 жаштагы соттолуучу Азатбек Алымкуловдун качып чыкканы белгилүү болгон. Каракчылык боюнча айыпталган жаран Аламүдүн районунда өтүүчү сот процессине алып келген күзөтчүлөрдүн колунан качып кеткен. Азырынча анын сот маалында же андан кийин качканы так аныктала элек. Буга чейин бир нече ирет кесилген Алымкулов төрт шериги менен май куюучу жайды карактап жарым миллион сомго чукул каражатты алып кетти деп айыпталып келген.

"Милиция кызматкерлери камакка алынып, Ысык-Ата районунун убактылуу крмоочу жайына киргизилди", — деп айтылат билдирүүдө.

Кишен. Архив - Sputnik Кыргызстан
Жол инспекторун капотто сүйрөп кеткен айдоочу 10 күнгө чейин камакта болот
Буга чейин милиция качкын кылмышкердин болжолдуу маалыматын тараткан. Ага ылайык, Жумгалдан келген Алымкулов Бишкекте Түштүк-2 кичи районунун №2 үйүндөгү 44-батиринде жашап келген. Буга чейин Кылмыш жаза кодексинин 168-беренесинин (Каракчылык) негизинде жаза өтөгөн.

Белгилери: бою болжол менен 185-190 сантиметр, орто чымыр денелүү, башында кара түстөгү кепка жана кара бут кийип кийип жүрөт.

Милиция качкын кылмышкерди көргөн-билгендер болсо 0312) 36-35-23, же 0(312) 43-01-27, (0701)655568; 0701655571, 0552 888838 телефондору аркылуу байланышуусун өтүнөт.

Жаңылыктар түрмөгү
0