БИШКЕК, 27-фев. — Sputnik. Аламүдүн РИИБдин коштомо күзөтүнөн СИЗО-1де кармалып турган рецидивист качып кеткенин ИИМ билдирди.
Маалыматтарга караганда, соттолуп жаткан адам окуя болгон жерге алып келингенде качып кеткен. Алдын ала маалымат боюнча ал май куюучу жайдын кызматкеринин жарым миллион сомдон ашык акчасын карактаган деп кармалган.
"Сирена" планы киргизилди. ИИМдин жеке кооппсуздук кызматы иштеп жатат. Себеби, анын качуусуна милиция кызматкерлери жардам бериши мүмкүн деп айтылууда.
Жаза аткаруу мамлекеттик кызматынын маалымат катчысы Александр Никсдорф СИЗО-1ден жума күнү саат 11.55 күнөөлөнүп жаткан беш жаранды Аламүдүн сотуна РИИБдин кызматкерлери алып кеткенин билдирди.
"Саат 20.10до төртөөнү кайта алып келишти. Калган бирөө кайда деп милиция кызматкеринен сураганда сот залында калды деп жооп берген", — дейт ал.
ЖАМКтан билдиргендей, качкан жаран 1989-жылы туулган Нарын облусунун тургуну Азатбек Алымкулов.
