БИШКЕК, 17-фев. — Sputnik. Эл арасында Бишкектин мэрлигине талапкер катары айтылып жаткан "Манас" эл аралык аэропорту" ААКтын башкармалыгынын директорлор кеңешинин төрагасы Албек Ибраимов бул кызмат сунушталса баш тартпай турганын Sputnik Кыргызстан маалымат агенттигине билдирди.
Өткөн аптада мурунку мэр Кубанычбек Кулматов өз ыктыяры менен жумуштан кеткен. Учурда бул кызматты убактылуу вице-мэр Айгуль Рыскулова аркалап жатат.
Калаа башчысын шайлоо 27-февраль күнү болот.
Ибраимовдун мэрликке талапкер болушу эл арасында айтылганы менен официалдуу түрдө каттоодон өтө элек.
"Мен алдын ала эч нерсе айта албайм", — деди Ибраимов.
Sputnik Кыргызстан маалымат агенттигинин "сиз мэр болгуңуз келеби?",— деген сроосуна "Ооба",— деген кыска жооп узатты.
Азырынча талапкерлер расмий түрдө каттоодон өтө элек. Ибраимовдон сырткары мэрликке Бишкек шаардык кеңешинин экс-төрагасы, учурдагы ЖК депутаты Марат Аманкулов менен вице-мэр Айгүл Рыскулованын талапкерлиги коюлары айтылууда.
Бишкек шаардык кеңеште КСДП, "Республика", "Ата Мекен" жана "Замандаш-Современник" партиялары бар.
