Кулматов уулун эмне себептен аскерге жөнөткөнүн айтып берди

© Sputnik / Табылды КадырбековЖаңы аскердик кызматка келген жигиттер. Архив
Жаңы аскердик кызматка келген жигиттер. Архив - Sputnik Кыргызстан
Жазылуу
Экс-мэр МГИМОну бүтүп келген уулу учурда армияда аскердик кызматтын даамын татып жүргөнүн белгиледи.

БИШКЕК, 11-фев. — Sputnik. Бишкектин экс-мэри Кубанычбек Кулматов маалымат жыйында уулунун Куралдуу күчтөрдүн катарында кызмат өтөгөнү тууралуу айтып берди.

"Армияда жүргөн балам аскердик кызматтын даамын татып жүрөт. Ал менден МГИМОну аяктагандан кийин "эмнеге армияга барышым керек" деп сурады. Мен андан "ушул өлкөдө жашагың келеби" десем, "ооба" дейт. "Анда барып милдетиңен кутул" дедим", — деди Кулматов.

Ал кызмат өтөбөй эле аскердик билетке ээ болуп, мамлекеттик жумушка орношууга мүмкүн экенин айткан.

"Жаңы жашоо башталып келе жатканда бирөөгө күнкор болуп эмне кереги бар?", — деди экс-мэр.

Шейшемби күнү Кубанычбек Кулматов өз ыктыяры менен кызматтан кетүү боюнча арыз жазган. Учурда мэрдин милдетин Айгүл Рыскулова аткарып жатат.

Жаңылыктар түрмөгү
0