БИШКЕК, 3-фев. — Sputnik. Баткен облусундагы "Коргон" чек ара застасында келишим менен кызмат өтөп жүргөн жоокер ок тийип жаракат алганын Мамлекеттик чек ара кызматынан билдиришти.
5 Үчтүн айы 2016, 12:45
Бул окуя шаршемби күнү болгон. Баткен чек ара отрядынын чек ара заставасындагы нөөмөтчү куралды олдоксон колдонуп, натыйжада курал атылып кеткен. Ок жанында турган экинчи аскердин бутуна тийген.
Жаракат алган чек арачыга биринчи медициналык жардам көрсөтүлгөн. Учурда ал ооруканага алып келинди. Абалы канааттандырарлык деп айтылууда. Аталган окуя боюнча кызматтык териштирүү башталды.
