БИШКЕК, 30-янв. — Sputnik. Кыргызстандын футзал боюнча курама тобу Futsalworldranking рейтингинде бир тепкичке жогорулагандыгын Футбол федерациясынан кабарлашты.
12 Үчтүн айы 2016, 08:31
Үстүбүздөгү жылдын 19-январына чейинки рейтингде Кыргызстан 46-орунду ээлеп турган. Ал эми Азиянын эң мыкты курама топторунун арасында тогузунчу орунда болгон.
Учурда өлкөнүн курама тобу 45-орунду ээлеп бир тепкичке жогорулады. Азия рейтинги боюнча дагы алдыга жылып, сегизинчи орунду ээледи. Кураманын куржунунда 1 027 упай бар экени маалыматта белгиленет.
Кыргызстан курамасынан бир тепкич жогору Ангола, бир тепкич төмөн Финляндия турат. Ал эми алдыңкы үч орунду ээлеген Испания 1 923, Бразилия 1 909 жана Россия 1 752 упай топтогон.
