Эксперт сүрөтсүз сатылган тамекилер тууралуу түшүндүрмө берди

© Sputnik / Жоомарт УраимовТамеки тартуунун зыяндуулугу жөнүндө тексттик эскертүү жазылган тамекилер жана сүрөттөлгөн тамекилер. Архив
Тамеки тартуунун зыяндуулугу жөнүндө тексттик эскертүү жазылган тамекилер жана сүрөттөлгөн тамекилер. Архив - Sputnik Кыргызстан
Жазылуу
Тамеки тартуунун зыяндуулугу тууралуу текст гана жазылган тамекилер буга чейинки запастар түгөнмөйүнчө сатыла бермекчи.

БИШКЕК, 26-янв. — Sputnik. Мамлекеттик органдар тамеки тартуунун зыяндуулугу жөнүндө тексттик эскертүү жазылган тамекилерди сатуудан ала албай турганын Кыргызстандын соода жана кызмат көрсөтүү боюнча ишкана менен базарлар ассоциациясынын президенти Сергей Пономарев билдирди.

Быйылкы жылдын 1-январынан баштап өкмөт өз токтому менен тамеки тартуунун зыяндуулугун сүрөт менен берген эскертүүлөрдүн тизмегин аныктаган.

Ага ылайык, Кыргызстандын аймагына сатууга чыга турган тамеки таңгагында сөзсүз түрдө түшүрүлө турган 12 сүрөт бекитилген. Республикага мындай тамекилер өткөн жылдын соңу менен эле келе баштаган.

"Бул бардык дүкөндөрдө жаңы таңгактагы тамекилер пайда болуп, эскилери жок болот дегенди түшүндүрбөйт. Эски тамекилерди сатуудан эч ким алып сала албайт. Мурункунун запасы түгөнгөндөн кийин гана сатыкка жалаң жаңы таңгактагы тамекилер чыгат", — деди Пономарев.

Эксперт мыйзам боюнча сүрөт түшүрүлбөстөн 1-январга чейин Кыргызстанга келген тамекилер толук сатылмайынча дүкөндөрдө тура берерин эскертти. Демек, дүкөн ээлеринин кооптонуусуна эч себеп жок.

Пономарев текшерүү органдарынын эски таңгактагы тамекилерди сатыктан алуу боюнча мыйзамсыз аракетине соодагерлер өкмөттүн токтому менен жооп бериши керектигин белгиледи.

Жаңылыктар түрмөгү
0