БИШКЕК, 25-янв. — Sputnik. Сокулукта жер тилкесин сатканын танып кеткен 36 жаштагы Бишкек шаарынын жашоочусуна кылмыш иши козголгонун Чүй ОИИБ билдирди.
Маалыматка ылайык, милицияга 49 жаштагы Бишкектин тургуну кайрылган. Анда ал 2014-жылы Талантбек аттуу жарандан "Ала-Тоо-3" жаңы конушунда жайгашкан жер тилкесин сатып алганын, бирок бир жылдан кийин ал жер сатканын танып, тилкеге ээлик кылып жатканын айткан.
Сокулук РИИБ аталган кылмышка шектүү катары Талантбек аттуу жаранды колго түшүрүп, ага Кылмыш кодексинин 166 беренеси (Шылуунчулук) боюнча кылмыш ишин козгоду. Учурда кармалган жаран убактылуу кармоочу жайга киргизилип, тергөө иштери улантылып жатат.
