"Бизге экспонаттар керек. Эгерде дагы кызыктууларын топтосок, музейге келген коноктор менен туристтерге элибиздин өткөнү туурасында кенен маалымат берүүгө мүмкүнчүлүк алат элек", — дейт Жалал-Абад шаардык музейдин адиси Канышай Жолдошева.
Аталган музейдин түзүлгөнүнө 40 жылдан ашуун убакыт болду. Бул жерде б.з.ч. тарыхты сүрөттөгөн экспонаттар коюлган. Андан сырткары V-VIII кылымдарга таандык болгон буюмдар өз дооруна жараша алты бурчка өз өзүнчө жайгаштырылган. Жоокерлердин темир сооттору, байыркы кол өнөрчүлүктүн нускалары, үй-буюмдары да коюлган.
"Бул жерге кызыккандардын саны аз. Негизинен, бизге окуу жайлардын студенттери, окуучулар гана атайын экскурсия менен келишет. Башка каттагандар дээрлик жок", — деди ал.
Аталган музейге акыркы жолу экспонат 2013-жылы алынган. Андан бери тарых музейинде баалуу эстеликтер жаңыра элек.
