АКШнын Түштүк Кореядагы аскери согуштук аракеттерге толугу менен даяр турат

© AFP / JUNG YEON-JE Түштүк Кореяда жайгашкан базадагы америкалык аскер. Архив
Түштүк Кореяда жайгашкан базадагы америкалык аскер. Архив - Sputnik Кыргызстан
Жазылуу
Учурда Түштүк Кореяда "Түндүктөн келчү коркунучту" бетке кармап АКШ 28 миң аскерин жайгаштырды. Түндүк Корея 6-январда суутек бомбасын сыноодон өткөрүп, аны АКШнын Пхеньянды жок кылуу аракетине карата пайдалана турганын билдирген.

БИШКЕК, 11-янв. — Sputnik. Түштүк Кореядагы АКШ аскер күчтөрүнүн командачысы Кертис Скапаротти Корея Элдик Демократиялык Республикасы тарабынан жасалуучу "провокацияларга" жооп иретинде жогорку даярдыкта турууну буюрду. Бул тууралуу Ренхап агенттигине таянуу менени РИА Новости билдирди.

Маалыматка ылайык, дүйшөмбү күнү Скапаротти Түштүк Кореянын штаб башчыларынын комитет төрагасы Ли Сун Чжин менен АКШнын 7-флотун жана Осандагы Куралдуу күчтөрдүн штабын кыдырып чыкты.

"Жогорку деңгээлдеги аскердик даярдыкты узак мөөнөткө пландаштыруу максатка ылайык", — деди Скарапотти.

Пхеньян АКШны өзөктүк курал менен коркутууда
Пхеньян 6-январь күнү АКШнын жок кылуу коркунучунан коргонуу максатында суутек бомбасын сыноодон өткөргөнүн жар салган. Ага жооп кылып, америкалыктар Түштүк Кореяга стратегиялык курал-жарагын жайгаштыра баштаган. Жекшемби күнү АКШнын Тынч океанындагы Гуам аралында жайгашкан аскердик базасынан өзөктүк ок чыгара турган канаттуу ракеталары бар В-52 бомба таштоочу учагы келди. Мындан тышкары, Японияда жайгашкан "Рональд Рейган" атомдук учак ташуучу кемени алып келүү маселеси талкууланып жатат.

"Түндүктөн келчү коркунучтан" улам АКШ Түштүк Корея аймагына 28 миң америкалык аскер жайгаштырган. Пхеньян бул коркунучту ойдон чыгарылган деп баалап, Америка коркутуп-үркүтүүсүн токтотпосо өзөктүк куралын өнүктүрүүнү убадалап келет.

Жаңылыктар түрмөгү
0