БИШКЕК, 1-янв. — Sputnik. Кыргыз-өзбек чек арасында бүгүн таңкы саат 4.15тер чамасында очогунда 5 балл болгон жер титиреди. Бул тууралуу Өзгөчө кырдаалдар министрлиги Сейсмология институтуна шилтеме берүү менен билдирди.
31 Бештин айы 2015, 17:01
Маалыматка ылайык, жер титирөөнүн очогу Сузак районунун Төш айылынан 5 чакырым түндүк-батышты карай, Арал айылынан 15 чакырым түндүк-батышты карай, Сузак айылынан 26 чакырым батышты карай жана Жалал-Абад шаарынан 35 чакырым түштүк-батышты карай жайгашкан.
Анын күчү Төш, Арал айылдарында 5 балл, Жалал-Абад шаарында 4 балл жана Ош шаарында 3 балл сезилди.
Алдын ала алынган маалымат боюнча кыйроолор жана жабыркагандар жок.
