Ал эми Баткен облустук чек ара башкармалыгынан билдиргендей окуя чек арадан мыйзамсыз жук ташуунун кесепетинен келип чыккан, учурда жергиликту бийлик жана күч түзүмдөрү окуянын чоо-жайын аныктап териштирүү иштерин жүргүзүүдө.
Жабыркаган балдардын атасы Абдинаби Исаков 1983-жылы жана 1994-жылы туулган балдары жабыркаганын айтат.
Исаковдун айтымында балдары буга чейин Өзбекстандын Сох анклавына көмүр ташып жан багып келишкен. Бул окуяда болсо, балдары Өзбекстандан жийде алып чыгып келе жатканда өзбек чек арачылары эскертүү бербестен түз жарандарга ок чыгарган.
"Атылган ок айдоочу баламдын жамбашын тешип кеткен. Кичине балам жатканда айнектен кирген ок аркадагы ступенкага тийип кайра баламдын далысына туруп калган", — дейт ал.
Абдинаби Исаков кыргыз жарандары Өзбекстанга керектүү товар алып кирсе, өзбек чек арачылары аталган ишкерлерди чек арада кармабаганын, ал эми Өзбекстан Кыргызстанга товар алып чыкса ок чыгарууга чейин барышаарын айтат.
