БИШКЕК, 28-дек. — Sputnik. Дельфинарийдин ачылышына бир саат калганда анын жанында митинг өтө турганын Sputnik Кыргызстан агенттигине иш-чаранын уюштуруучусу Гүлайым Айылчы билдирди.
Дельфинарий 29-декбрь күнү саат 18.00дө ачылат. Оюн-зоокко төрт дельфин менен бир белуха кити катышат. Буга чейин социалдык тармактарда жаныбарларды колго кармоого каршы чыккан тайпалар түзүлгөн болчу.
Уюштуруучу митинг дельфинарийдин ачылышына эч кандай таасир эте албайт, бирок акция жаныбарлардын укугу боюнча мыйзам киргизүү маселесин көтөрүүгө багытталмакчы.
"Митинг кийинки жылы мындай көрүнүш кайталанбастыгы үчүн жасалып жатат. Кол чогултулат, 50дөй кишинин келиши күтүлүүдө. Оюн-зоокко келгендерге да акчаларын зордук-зомбулукка коротуп жатканын айтып түшүндүрөбүз", — дейт ал.
Гүлайым Айылчы Октябрь райондук администрация митинг тууралуу кабардар экенин айтты.
Көчмө дельфинарий Кыргызстанда биринчи жолу ачылууда.
