Бишкекке дельфиндер алып келинди

© Sputnik / Эркин АлымбековДельфинарийдин алдындагы жүк автоунаасы. Архив
Дельфинарийдин алдындагы жүк автоунаасы. Архив - Sputnik Кыргызстан
Жазылуу
Акыркы маалда дельфиндер темасы өлкөнүн башкы жаңылыгына айланды. Жаныбарлардын укугун коргоочулар көчмө дельфинарийге каршы экенин айтып чыгышты. Бүгүн суу жаныбарлары чек арадан өтүп, Бишкекке келишти.

БИШКЕК, 24-дек. — Sputnik. Бишкекке дельфиндер алып келингенин Sputnik кабарчысы билдирди.

Борбор калаада декабрдын аягында төрт дельфин менен бир кит кармалган көчмө дельфинарий ачылат. 

"Бүгүн дельфиндер чек арадан өттү, учурда дельфинарийге алып келинди. Уюштуруучулар журналисттерди киргизбей жатат. Алардын саны боюнча эч кандай түшүндүрмө да беришкен жок", — деди ал.

Дельфиндер кандай шартта алып келингенин айдоочу айтып берди
Алдын ала маалымат боюнча дельфиндердин абалы учурда дурус.

Көчмө дельфинарий жөнүндөгү жаңылык жаныбарлардын укугун коргоочулардын бир топ нааразылыгын жараткан. Активисттер соцтармактарда дельфин менен киттерди коргоо боюнча добуш чогулта баштаган.

Эгер петиция бир миң добуш жыйнаса, президент Алмазбек Атамбаевдин кароосуна жиберилет. Коргоочулар Кыргызстанда көчмө дельфинарийге тыюу салууну мыйзам чегинде ишке ашырууга белсенип жатышат.

Жаңылыктар түрмөгү
0