БИШКЕК, 22-дек. — Sputnik. Кыргыз-казак чек арасынан бензинди мыйзамсыз алып кирип келе жактан кыргызстандык жаран кармалды.
Ал "Актилек" көзөмөл өткөрүү жайынан жыйырма тонна күйүүчү майды декларациялабай өткөрүүгө аракет кылганда, чек арачылардын көзүнө илинген.
Жүк ташуучу автоунаасын чек арадан өткөрүп бара жатып, кагаздарды толтурганда аны "бош" деп жазып койгон. Тиешелүү документтер жазылгандан кийин чек арачылар аны Чүй облустук тартип коргоо органдарына өткөрүп беришти.
