БИШКЕК, 14-дек. — Sputnik. Унаасына "KYRGYZ" жана "VIP (ЧИКА)" жасалма номерин орнотуп жүргөн 29 жаштагы Чыңгыз Жумагулов менен 20 жаштагы Бексултан Найзабековдун иши сот органдарына жөнөтүлгөнүн Бишкек ШИИБ билдирди.
Маалыматка ылайык, Биринчи Май райондук сотунун чечими менен жасалма мамлекеттик номер тагып унаа айдап жүргөн жарандарга 5 миң сом өлчөмүндө айып салынды.
Бардык чогултулган материалдар жасалма номер менен бирге айдоочулардын аракетине юридикалык баа берүү үчүн ШИИБдин тергөө башкармалыгына жөнөтүлдү.
Жол кайгуул кызматы окулбаган, стандарттан тыш мамлекеттик номерлүү унаалар айып короого токтотулуп, беш миң өлчөмүндө айып пул салуу караларын эскертет. Ал эми жасалма номерди даярдоо фактысы боюнча материалдар тергөө башкармалыгына жөнөтүлөт.
