БИШКЕК, 14-дек. — Sputnik. Ошто унаадагы жүргүнчүдөн эки килограммга чукул баңгизат табылганын ИИМ билдирди.
Маалыматка ылайык, үстүбүздөгү жылдын 12-декабрында милиция "Мерседес-Бенц 230" үлгүсүндөгү унааны токтотуп, жүргүнчүлөрдүн биринен полиэтилен баштыктагы баңгизат алынган. Экспертиза анын героин экенин тастыктады.
Ошол эле күнү Ысык-Көл облусундагы Кара-Дөбө айылынын 42 жаштагы тургунунан 1,5 килограмм нашаа табылган.
Аталган фактылар боюнча кылмыш иштери козголуп, тергөө амалдары жүрүп жатат.
