БИШКЕК, 8-дек. — Sputnik. Үстүбүздөгү жылдын 11 айында өлкө боюнча 46 миң 537 түгөй баш кошконун Мамлекеттик каттоо кызматы билдирди. Бул көрсөткүч былтыркыга салыштырмалуу 8 миң 260гө көп.
Маалыматка ылайык, эң көп түгөйлөр Ош облустунда баш кошкон. Алардын саны 10 миң 841 болсо, андан кийинки катарда Жалал-Абад жана Чүй облусу турат.
Ошондой эле, 11 айда 7 миң 881 үй-бүлө ажырашкан.
Маалыматка ылайык, эң көп ымыркай Ош шаарында (69 миң 400) катталган. Андан кийинки катарды Ош облусу (35 миң 679) жана Жалал-Абад (29 миң 670) турат. Эң аз ымыркай, Талас облусунда (5 миң 987 бала) жана Нарында (5 миң 882 ымыркай) жарык дүйнөгө келген.
Белгилей кетсек, 25-ноябрда Кыргызстандын калкы 6 миллионго жетип, алты миллионунчу болуп Айлин аттуу кыз төрөлгөн.
