БИШКЕК, 4-дек. — Sputnik. Кыргызстандын Улуттук банкы өз токтомуна толуктоо киргизүүнү демилгелеп жатат. Анда насыяларды улуттук валютада гана берүү сунушталат деп маалымдалат банктын сайтында.
Жыл башынан бери доллардын курсу комго карата 27 пайызга өскөн.
Ноябрда президент Алмазбек Атамбаев калктын аялуу катмары менен бюджеттик кызматкерлердин чет элдик валютада алган ипотекалык кредити улуттук валютага трансформацияланышы керектигин айткан эле.
Улуттук банк калктын аялуу катмары үчүн доллар менен алынган ипотекалык насыяны сомго которуу боюнча механизмдерди иштеп чыкканын билдирген. Биринчи кадамдардын бири Улуттук банктын токтомуна толуктоолорду киргизүү болот.
Киргизилген кошумчага ылайык, банктарга ипотекалык жана керектөөчү насыяларды чет элдик валютада берүүгө тыюу салынат.
Буга чейин премьер-министр Темир Сариев кыймылсыз-мүлктү соодалоо бир гана улуттук валютада болушу керектигин билдирген.
