БИШКЕК, 2-ноя. — Sputnik. Жаңы коалициялык макулдашуу боюнча өкмөттүн структурасы кескин өзгөрө турганын Sputnik агенттигине "Өнүгүү — Прогресс" фракциясы билдирди.
Ага ылайык, биринчи вице-премьерликке Тайырбек Сарпашевдин ордуна Аалы Карашев барат.
Ал эми Жогорку Кеңеште беш вице-спикердин ордуна экөөсү калып, 14 комитеттин ордуна тогузу иш алып барат.
КСДП фракциясы билдиргендей, вице-спикерлик орунга "Кыргызстан" фракциясынан Нурбек Алимбеков жана оппозициялык "Республика — Ата-Журт" фракциясынан Талант Мамытов талапкер болууда. Төрагалык кайрадан эле Асылбек Жээнбековдун шыбагасына калмакчы.
Тогузга чейин кыскарган комитеттер багыты боюнча бириктирип, төмөнкүдөй болот:
- Бюджет жана каржы комитети;
- Мыйзамдуулук, укук жана кылмыштуулукка каршы күрөш боюнча комитет;
- Коргоо, коопсуздук жана эл аралык иштер боюнча комитет;
- Экономика жана фискалдык саясат боюнча комитет;
Президент Алмазбек Аатамбаев көпчүлүк коалициясын түзүү укугун КСДП фракциясына берген. "Ата Мекен", "Өнүгүү — Прогресс" жана "Кыргызстан" фракциялары коалицияга кирүүгө макулдук беришкен. "Бир Бол" фракциясы өзүн парламенттик оппозиция катары жарыялады.
