БИШКЕК, 2-ноя. — Sputnik. Борбор Азия өлкөлөрүнүн жана АКШнын тышкы иштер министрлери Самарканд шаарында жолукту. Бул туурасында кыргыз ТИМинин маалымат кызматы билдирет.
Жолугушуунун максаты – жалпы кызыкчылыкты караган Борбор Азия өлкөлөрү менен АКШнын ортосундагы кызматташуу жолдорун талкуулоо деп билдирди ТИМ маалымат кызматы.
Отурумда экономикалык өнүгүү, аймактык коопсуздук, билим берүү, маданият, гуманитардык кызматташуу, андан сырткары, адам укуктары, жарандык коомду бекемдөө, экологиялык маселелерди чечүү боюнча маселелер талкууланды.
Абдылдаев мындай форматтагы ар бир тараптардын кызыкчылыгы эске алынган талкуулардын маанилүүлүгүн белгилеп, ушул тейде мындан ары улантып туруу зарылдыгын айтты.
Жыйындын жыйынтыгы менен тараптар кызматташууну улантууга даяр экендигин айтты.
Ал президент Алмазбек Атамбаев менен жолугуп, АКШнын жаңы имаратынын жана Борбор Азия Университенин ачылышына катышкан. Ал сапардын алкагында Кыргызстанда нааразычылык жараткан сыйлыктын Азимжан Аскаровго эмнеге ыйгарылгандыгын түшүндүрүүгө аракет кылган. Андан сырткары Сирия кооптулугунда Кыргызстандын четте калбагандыгын айткан.
Керринин Өзбекстанга иш сапары 1-ноябрда болуп, учурда Казакстанда жүрөт.
