БИШКЕК, 1-ноя. — Sputnik. АКШ мамкатчысы Жон Керри "Ислам мамлекети" террордук тобунун катарында кыргызстандыктар да согушуп жүргөнүн эске салды. Ал мындай билдирүүнү "Ала-Арча" мамлекеттик резиденциясында 31-октябрда болгон брифинг учурунда жаган.
"Ислам мамлекети" бардыгыбыз үчүн коркунуч жаратары шексиз. Алар бул аймакты эле эмес, Ливия менен Афганистанды дагы кучагына алууну көздөйт. Эгер кимде-ким ал жашоого коркунуч туудурбайт десе, демек, ал эмне болуп жатканына көз салган жери жок", — деди Керри.
Жон Керри Кыргызстанга болгон бир күндүк иш сапарынын алкагында өлкө президенти Алмазбек Атамбаев жолукту.
КР Тышкы иштер министри Эрлан Абдылдаев менен кызматташуу жолдорун талкуулап, биргелешкен маалымат жыйынын өткөрдү.
Брифингде жана КР Тышкы иштер министри Эрлан Абдылдаев Керри менен Атамбаевдин жолугушуусу эки өлкөнүн мындан аркы мамилесинде урунттуу учур болуп калганын айтты.
"Жолугушуулар абдан пайдалуу жана эки мамлекеттин мындан аркы мамилелеринде урунттуу учур болду", — деди Абдылдаев.
Ал ошондой эле, Афганистандагы абал боюнча сүйлөшүү болгонун кошумчалады.
"Афганистандын түндүгүндө болуп жаткан окуялар бизди да тынчсыздандырат. Биз өз ара аракеттенүү боюнча сүйлөштүк. Эртең Самаркандда "Борбор Азия + АКШ" аттуу жолугушуу болот. Бирге күрөшүү үчүн бардык мамлекеттердин аракеттери болушу кажет", — деди Абдылдаев.
Жон Керри өз кезегинде АКШ менен 65 мамлекет терроризм менен күрөшүү үчүн коалицияга бириккенин билдирди.
