БИШКЕК, 4-окт. – Sputnik. Россияга касташкан тараптар Путинди Сириядагы абалды дагы курчутуп жиберди деп айыптоо менен жаңы маалымат согушун күчөтүүдө, бирок Батыштын эң абройлуу ЖМКлары да эл аралык аренада Москва чечүүчү орунду ээлегенин моюнга алышат деп жазган жазуучу жана активист Сэм Герранс RT сайт үчүн макаласында.
Путин Ирак, Ливия жана Сирия өлкөлөрүн атайлап жок кылганы үчүн АКШга күнөө койгон жок, бирок Вашингтон өтө иш билбестик менен аракет жүргүзгөнү түшүнүктүү болгудай сүйлөдү деп жазат Герранс. Анын айтымында, азыр америкалык администриция жараткан башаламандыкты Россия иретке келтирүүгө аргасыз болууда жана бул россиялык президентке зор саясий капитал алып келди.
Вашингтон узак убакыт бою калп эле жасамыш болуп, бирок эч качан анык ишке ашырбай турган ишти Россия жасап жатат деп ырастайт автор. Ал авиа соккулардын жардамы менен "Ислам мамлекетинин" ээлеген жерлерин тазалап, тартипти орнотууда. Путин Сириянын мыйзамдуу өкмөтүнүн өтүнүчү менен жана аны коргоо максатында эл аралык укуктун негизинде иш алып барып жатат деп белгилейт Герранс.
