Шаардык милиция курал саткан дүкөндөрдүн, күзөт агенттиктердин ээлери менен жолукту

© Sputnik / Алексей Мальгавко / Медиабанкка өтүүКурал саткан дүкөн. Архив
Курал саткан дүкөн. Архив - Sputnik Кыргызстан
Жазылуу
Күч түзүмдөрүнүн өкүлдөрү менен жолугушууга 25ке чукул менчик күзөт агенттиктери, курал-жарак саткан дүкөндөрдүн ээлери катышып, өзгөчө абалда кандай чара көрүү туурасында маалымат алышты.

БИШКЕК, 19-сен. — Sputnik. "Антитеррор" операциясынын алкагында өлкө ичиндеги бир катар күч түзүмдөрү Бишкектеги менчик күзөт бөлүмдөрү, курал, ок-дары саткан дүкөндөрдүн ээлери менен жолугушуу өткөрдү. Ага УКМКнын кызматтарынын жана ИИМдин Бишкек шаарындагы 10-башкармалыгынын өкүлдөрү катышты. 

Президент Атамбаев ЖККУ жыйынында терроризм менен күрөшүү маселелерин көтөрдү
Алар курал сатуучуларга Борбордук Азия, анын ичинде Кыргызстандын аймагындагы диний экстремизм жана терроризм жаатындагы абал туурасында маалымат беришти. 

Мындан сырткары, күзөт агенттиктерине теракт туурасындагы билдирүү келгенде, жарылып кетиши мүмкүн деген шектүү буюмдарды, баштыктарды таап алганда көрүлө турган чараларды түшүндүрүп беришти. 10-башкармалык тарабынан даярдалган бул жааттагы нускамаларды таратылды.

"Антитеррор" операциясынын алкагында жүргүзүлгөн жолугушууга 25ке чукул менчик күзөт бөлүмдөрү жана курал, ок-дары саткан дүкөндөрдүн өкүлдөрү катышты.

Жаңылыктар түрмөгү
0