БИШКЕК, 18-сен. — Sputnik. Борбордук шайлоо комиссиясы өз жыйынында үгүт өнөктүгүнүн эрежесин бузгандыгы үчүн алты партияга эскертүү бергенин БШК билдирди.
Маалыматка ылайык, комиссия "Өнүгүү-Прогресс", "Аалам", "Замандаш", "Республика-Ата Журт", "Ата-Мекен" жана "Бир Бол" партияларынын ишмердүүлүгүндө эреже бузууларды аныктаган.
Мында "Бир Бол" жана "Аалам" партиялары маалымат каражаттары менен түзүлгөн келишимди берүү — кабыл алуу актысын түзбөгөндүгүн белгилейт.
Мындан тышкары, "Азаттык" партиясы балдар сүрөтү пайдаланылган плакаттарды алып салууну тапшырды. Мыйзам боюнча жашы жете электерди үгүт иштерине тартуу шайлоо жөнүндөгү мыйзамды бузгандык болуп саналат.
БШК алты партияга эскертүү катын жөнөтүп, калган сегиз партияга оозеки түрүндө эскертүү берди.
