БИШКЕК, 17-сен. — Sputnik. Биринчи вице-премьер-министр Тайырбек Сарпашев саясий партиялардын аймактарда шайлоочулардын ПИН-кодун эмне себеп менен жыйнап жатканын түшүнбөй турганын билдирди.
Анын айтымында, биометрикалык маалымат административдик ресурс менен "айлампа" ыкмасын жокко чыгаруу үчүн чогултулуп жатат.
"Партиялардын мындай аракеттери эч натыйжа бербейт. Анткени, биз партиялардын шайлоонун жыйынтыгын бурмалоо үчүн ойлоп тапкан ыкмаларын пайдаланууга жол бербейбиз", — деди ал.
Сарпашев коргоонун биометрикалык маалымат, добуш берүү берилген чектер жана шайлоочулардын тизмеси сыяктуу көп баскычтуу системасы иштей турганын белгиледи.
"Чектер ошол жерде басылып берилет. Алардын саны үкөктөгү бюллетендер менен дал келиши керек", — деди чиновник.
КСДП лидери Чыныбай Турсунбековдун айтымында, айрым үгүтчүлөр шайлоо күнү тартылган сүрөт үчүн аванс сунуштап жатышканын айткан.
4-октябрда өтө турган парламенттик шайлоодо биометрикалык маалымат тапшырган жарандар гана добуш бере алат. Учурда тизмеге 2,6 миллион адамдын аты-жөнү кирген.
ПИН-код аркылуу 1994-жылкы үлгүдөгү паспорту бар жарандар добуш бере алат. Мындай жарандардын саны республика боюнча 12 миңден ашуун адамды түзөт.
