БИШКЕК, 15-сен. — Sputnik. Ош шаарынын мэри Айтмамат Кадырбаев Жапалак айыл өкмөтүнүн жашоочулары менен жолугуп, сегиз ай ичиндеги отчетун берип, алардын тиричилик көйгөйлөрүн чечүүнъ убада кылды.
Иш боюнча берилген маалыматтан кийин, жергиликтүү эл дагы бир катар маселелерин айтышты. Алар таштанды челектерин орнотуу, бала бакчаларын куруу, электротрансформаторлорду алмаштыруу көйгөйүн көтөрүштү.
Мэриянын маалымат кызматы учурда аталган аймактын Гүлбаар-Төлөйкан, Пятилетка жана Өзгүр айылдарында үч бала бакчанын курулушу жүрүп жаткандыгын билдирип, жакында эле Жапалактын Мамыров көчөсүндө дагы бир бала бакча пайдаланууга берилгендигин кошумчалады.
