БИШКЕК, 15-сен. — Sputnik. 2015-жылдын январь-август айларында алдын ала алынган маалыматтар боюнча республикалык бюджетке 70 миллиард 604,4 миллион сом түшкөнүн Каржы министрлиги маалымдады.
Түшкөн каражат пландалгандан 6,8 пайызга көп. Негизги каражаттар Бажы кызматынан (31,2 пайыз) жана Салык кызматынан (30,2 пайызга) түшкөн.
Бажы кызматынан бул убакыт аралыгында 22 миллиард сом түшсө, салык кызматы 21,3 миллиард сом чогулткан.
Ошол эле учурда сегиз ай ичинде республиканын чыгаша бөлүгү 69,4 миллиард сомду түзгөн.
Январь-август айларында эмгек акы, пенсия жана жөлөк пулдарды төлөөгө 48,6 миллиард сом чыгымдалган.
Ал эми коргоого алынбаган беренелер боюнча республикалык бюджеттен 6,3 миллиард сом коротулган. Өткөн жылдын ушул мезгилине салыштырмалуу каржылоо 1,6 миллиард сомго көбөйгөн.
