БИШКЕК, 14-сен. — Sputnik. Бүгүн, 14-сентябрда, кыргыз-казак чек арасынан баңгизат алып өтүүгө аракет кылган кыргызстандык жаран кармалганын Мамлекеттик чек ара кызматы билдирди.
Маалыматка ылайык, "Чалдыбар-автодорожный" көзөмөл пунктунан өтүп бара жаткан "Toyota Carina" үлгүсүндөгү унааны текшергенде өзгөчө жытка ээ зат салынган баштык жана тамекиге оролгон баңгизат табылган.
Тийиштүү документтер толтурулгандан кийин кармалган адам баңгизаттар менен кошо милицияга өткөрүлдү.
