УКМК: балдары Сирияда өлгөнүн ата-энелердин көбү билбейт

© Sputnik / Андрей Стенин / Медиабанкка өтүүСирия мамлекетинин аскери. Архив
Сирия мамлекетинин аскери. Архив - Sputnik Кыргызстан
Жазылуу
Жалал-Абад облусунан акыркы эки айда эле он бир адам Сирияга чыгып кеткен.

БИШКЕК, 8-сен. — Sputnik. Жалал-Абаддан Сирияга кеткен 84 кишинин ичинен 14ү каза болуп калган. Бул жөнүндө алардын көбүнүн ата-энелери  билбейт деп УКМКнын өкүлү Рахат Сулайманов билдирди. 

Анын айтымында, Жалал-Абад облусунан жарым жыл ичинде 73, ал эми акыркы эки айда 11 адам Сирияга кеткен.

Сулайманов акыркы учурларда "жихадга" кыз-келиндердин кеткен учурлары да көп болуп жаткандыгын айтты. 

"Жалал-Абад облусунан Сирияга учканы жаткан төрт кыз Ош аэропортунан токтотулду, алардын бири 16 жаштагы окуучу болуп чыкты", — деди Сулайманов. 

Кыргызстандын атайын кызматтарынын маалыматында, Сирия, Ирактагы согушка өлкөнүн түштүк аймагынан кеткендердин саны арбын болууда. Расмий маалыматтарда бул максат менен Кыргызстандан чыгып кеткендердин саны 400гө чукулдап барат.

Жаңылыктар түрмөгү
0