БИШКЕК, 20-авг. — Sputnik. Узакка созулган кургак ысыктан кийин апта соңунда аба ырайынын кескин өзгөрүлүшү күтүлө турганын ӨКМ билдирет.
Маалыматка ылайык, өлкө аймагында мезгил-мезгили менен жаан жаап, күн күркүрөп, бийик тоолуу райондордо кар жаашы күтүлөт. Батыштан соккон шамалдын ылдамдыгы секундасына 19-24 метрге чейин жетет.
Абанын күндүзгү температурасы өрөөндөрдө +16…+21 градуска чейин, тоо этектеринде +11…+16 градус, тоолуу райондордо +3…+8 градуска чейин төмөндөйт.
Министрлик мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатарын эскертет.
