БИШКЕК, 13-авг. — Sputnik. Кыргыз художниктери эл арарлык көргөзмөлөргө катышуу акысын тарткан эмгектери менен төлөйт деп билдирди Кыргызстан сүрөтчүлөр союзунун төрагасы Таалайбек Усубалиев.
Анын айтымында, каржы маселелеринен улам кыргыз сүрөтчүлөрү эл аралык көргөзмөлөргө үзгүлтүсүз катыша албайт. Анткен менен, кайсы бир жолун табат.
"Маселен, Кытайда өткөндөргө акысыз катышабыз, бирок алар 1-2 картинаны алып калышат. Россия менен болгон алакаларда да абал ушундай. Алар биздин шартка көнүшөт", — деди Усубалиев.
Сүрөтчүлөр союзунун башчысы белгилегендей, ата мекендик сүрөтчүлөр совет мезгилинен келе жаткан күчтүү мектептин өкүлдөрү.
"Бизде Казакстан менен Өзбекстандагыдай эле көркөм сүрөт окуу жайлары бар. Бирок КР коңшулардан айырмаланып тармактык университеттер болбогондуктан, Москвада билим алышчу. Андыктан бизде живописчилердин күчтүү мектеби бар",— деп айтты ал.
Усубалиев кыргыздар табиятты жакшы түшүнгөндүктүн, искусстводогу жаңы багыттарды тез кабыл алышат дейт.
