Кыргыз-тажик чек ара кызматтарынын башчылары телефон аркылуу сүйлөштү

© Sputnik / Табылды КадырбековМамлекеттик чек ара кызматынын төрагасы Райимберди Дүйшөмбиев. Архив
Мамлекеттик чек ара кызматынын төрагасы Райимберди Дүйшөмбиев. Архив - Sputnik Кыргызстан
Жазылуу
Учурда Баткендеги чек арада абал татаал бойдон калууда. Укук коргоо органдарынын жана чек ара кызматынын өкүлдөрү абалга көзөмөл жүргүзүп, кырдаал курчуп кетсе, бирге иш алып барууга даяр турушат.

БИШКЕК, 4-авг. — Sputnik. Мамлекеттик чек ара кызматынын төрагасы Райимберди Дүйшөмбиев Тажикстандын чек ара аскерлеринин командачысы Раджабали Рахмонов менен телефон аркылуу сүйлөштү. 

Мурунку вице-премьер-министр Токон Мамытов. Архив - Sputnik Кыргызстан
Мамытов: чек ара чатактарын жергиликтүү бийлик жана милиция чечиши керек
Кыргыз-тажик чек арасында чыккан чыр-чатактан кийин шейшемби күнү кайрадан жергиликтүү жашоочулар чогулган. Эки элдин ортосунда атышуу болуп, Чек ара кызматы кыргыз чек арачылары ок чыгарбаганын билдирген. Саламаттык сактоо министрлиги үч кыргызстандык жаран жаңжалдан жабыр тартканын маалымдады.

Сүйлөшүү учурунда жетекчилер мамлекетти чек арадагы абалды турукташтыруу зарылдыгын белгилешип, курч кырдаал түзүлсө, бирге иш алпарууга даяр экендиктерин билдиришти. 

Рахмонали кырсык болгон жерге анын орун басары бара турганын билдирди. Кыргыз тараптан чек ара аймагына төраганын орун басары, Чек ара кызматынын Башкы штабынын жетекчиси Искандер Мамбеталиев келгенин маалымдалды.

Сүйлөшүүлөрдүн натыйжасында чыр-чатак боюнча Баткен облусунун жана Согду облустарынын башчылары жолуга турган болду.

Учурда Баткендеги чек арада абал татаал бойдон калууда. Укук коргоо органдарынын жана чек ара кызматынын өкүлдөрү абалга көзөмөл жүргүзүп, кырдаал курчуп кетсе, бирге иш алып барууга даяр турушат.

Баткен районундагы Кыргызстан менен Тажикстандын мамлекеттик чек ара аймагында 3-августта башталган чатактан кыргызстандык беш жаран жарадар болгон.

Маматалиев: чек арадагы чыр-чатак болгон жерге жумушчу топ учуп кетти
Чатак Көк-Таш айылынын жашоочулары унаа менен мүрзөгө кетип бара жатканда, Май айылында жашаган тажик бүлөлөрү жолду тосуп алгандан келип чыккан. Ага нааразы болгон кыргызстандыктар, ошол аймакта тажиктер жашаган Чорку айылына кеткен сууну жаап салган. 

Мындан улам, 120га жакын тажик жарандары жана 80ге чукул кыргыз жарандары чатак учурунда бири-бирине таш ыргытып, урушуп кеткен. 

Бүгүн, 4-август күнү жергиликтүү тургундар кайрадан чек арага чогулуп, атышуудан бир нече адам жарадар болгону маалымдалды.

Жаңылыктар түрмөгү
0
Алгач жаңыларыАлгач эскилери
loader