БИШКЕК, 30-июль — Sputnik. Жалал-Абад облусунда Кыргызстандын спартакиадасы өтөт. Бул тууралуу Дене тарбия жана спорт боюнча мамлекеттик агенттигинин маалымат кызматы билдирди.
Спартакиаданы облустун Жалал-Абад, Майлуу-Суу, Токтогул жана Кочкор-Ата шаарларында өткөрүү пландалууда. Программага спорттун 13 түрү киргизилген. Ага катышуу үчүн Кыргызстандын жети облусунан 1700ден ашык спортчу келет.
Дене тарбия жана спорт боюнча мамлекеттик агенттигинин башчысы Шейшенкул Бакиров облустун спорт коомчулугу менен жолукту.
"Облус баарына үлгү болду. Акыркы жылдары көптөгөн спорттук залдар жана имараттар курулду. Ал жактан эл аралык турнирлердин жеңүүчүлөрү, Азия жана дүйнөлүк чемпионаттарда жеңишке жетүүдө", — деди Бакиров.
Ал ошондой эле мунун баары меценаттардын жана жергиликтүү бийликтин жардамы менен ишке ашып жатканын кошумчалады.
Спартакиада төрт жылда бир өткөрүлүп келет.
