БИШКЕК, 29-июль — Sputnik. Президент Алмазбек Атамбаев пенсия боюнча айрым өзгөртүүлөрдү киргизген мыйзамдарга кол койду. Бул туурасында президенттин маалымат кызматынанан кабарлашты.
Мыйзам камсыздандыруу мүнөзүндө болбогон үстөк акыларды төлөп берүүгө республикалык бюджеттен чыгымдарды оптималдаштырууга багытталган.
Документ толугу менен "Кыргыз Республикасынын айрым мыйзам актыларына өзгөртүүлөрдү киргизүү жөнүндө" (Кыргыз Республикасынын "Аскер кызматкерлерин пенсия менен камсыз кылуу жөнүндө", "Мамлекеттик пенсиялык социалдык камсыздандыруу жөнүндө" мыйзамдарына) Кыргыз Республикасынын мыйзамы деп аталат.
Мыйзам Жогорку Кеңеш тарабынан 2015-жылдын 29-июнунда кабыл алынган.
