Путин менен Эрдоган "Ислам мамлекетине" каршы биргелешип күрөшүүнү талкуулашты

© Пресс-служба Президента РФ / Медиабанкка өтүүРоссия менен Түркиянын президенттери Владимир Путин жана Режеп Тайип Эрдоган. Архив
Россия менен Түркиянын президенттери Владимир Путин жана Режеп Тайип Эрдоган. Архив - Sputnik Кыргызстан
Жазылуу
НовостиTelegram
Россия менен Түркиянын президенттери терроризм менен майнаптуу күрөшүү үчүн кызыкдар болгон мамлекеттердин күчүн бириктирүү зарылдыгын айтышты.

БИШКЕК, 26-июль — Sputnik. Россия менен Түркиянын президенттери Владимир Путин жана Режеп Тайип Эрдоган телефон аркылуу сүйлөшүп, түркиялык тараптын демилгеси менен террорзимге каршы күрөшүү маселесин талкуулашты. Бул туурасында РФтин президентинин маалымат кызматы билдирет.

Мамлекет башчылары бул көйгөй менен майнаптуу күрөшүү үчүн кызыкдар болгон мамлекеттердин күчүн бириктирүү зарылдыгын белгилешкен.

"Терроризмге жана анын жайылышына каршы күрөшүгө кызыкан мамлекеттердин күчүн эл аралык укуктук негизде бириктирүү зарылдыгы белгиленди",— деп айтылат таратылган маалыматта. 

Түркия акыркы учурда бул жаатта аёосуз күрөш баштагандыгын акыркы иш-чаралардан улам байкоого болот. Өлкөдөгү абалга байланыштуу "Ислам мамлекетине" каршы иш-чаралардын алкагында Сириянын аймагына бир нече ирет абадан сокку урган. Андан сырткары, өткөн аптада өлкөнүн бир нече шаарында террористтерге көмөктөш болгондорду кармоо боюнча масштабдуу рейд өткөргөн.

Жаңылыктар түрмөгү
0