Бишкек, 26-июль — Sputnik. "Мейкин Азиянын" баш байгесин бахрейндик Наталья Аль Ганем алып кетти.
Ал эл аралык калыстар тобунан мындай жогорку бааны күтпөгөндүгүн айтып жана фестивалга келүүгө жардам бергендерге ыраазчылыгын билдирди.
"Мен өтө кубанып турам. Рахмат", — деди жеңүүчү.
Биринчи орунду Молдовадан келген Лидия Исак менен армениялык Роза Карапетян жеңип алышты.
Экинчи орун кыргызстандык Адилет Азимов менен Болгариядан келген Николай Маноловго ыйгарылды.
Калыстар тобунун атайын байгеси татарстандык Айдар Сулейманов менен кыргызстандык Болотбек кызы Ак Мөөр берилди.
Фестивалдын сыйлыктар кору 1 миллион сомовду түзгөн. Жеңүүчүлөр сыйлангандан соң Кыргызстандын эстрада ырчылары жана Румыниядан келген Deepside Dееjays ырдашты. Салтанаттын аягында майрамдык фейерверк атылды.
"Мейкин Азия" эстрадалык аткаруучулардын эл аралык фестивалы болуп эсептелет жана Евразиялык континентте популярдуу ырлардын конкурсу болууга талапкерленүүдө. Конкурс салт боюнча Ысык-Көлдүн "Рух Ордо" маданий борборунда өтүп келет.
Sputnik Кыргызстан эл аралык маалымат агенттиги "Мейкин Азия" музыкалык фестивалынын эл аралык өнөктөшү болду.
