БИШКЕК, 23-июль — Sputnik. Депутаттын айдоочусу катышкан жол кырсыгы боюнча бардык экспертиза дайындалып, иликтөө иштери жүрүп жатканын Жол кайгуул кызматы каралайт.
Билдирүүгө ылайык, айрым маалымат каражаттарында үстүбүздөгү жылдын 3-июлунда ЖК депутатынын айдоочусу жаранды тебелеп кеткени, ал кырсыктан каза болгону тууралуу айтылган. Бул окуя Жол кайгуул кызматынын жыйынтык маалыматына түшкөн эмес.
Бирок ошол эле күнү "Тойота Камри" унаасынын айдоочусу Аида Орозобаева аттуу жаранды коюп кеткени тууралуу маалымат катталган. Бул факт боюнча бардык экспертиза дайындалганы айтылат.
Орозобаева Чүй облустук оорукананын реанимациялык бөлүмүнө жеткирилип, бирок тилекке каршы, алган жарааттарынан улам 10 күндөн кийин каза болгон.
Аталган окуя боюнча бардык материалдар Бишкек ШИИБ тергөө бөлүмүнө өткөрүлдү. Учурда кылмыш иши козголуп, тергөө иштери жүрүп жатат.
