БИШКЕК, 16-июль — Sputnik. Кыргызстан ядролук материалды физикалык коргоо тууралуу конвенцияга кошулду. Тийиштүү мыйзамга өлкө башчысы кол койгонун президенттин маалымат кызматы билдирди.
Мыйзам Жогорку Кеңеш тарабынан 2015-жылдын 10-июнунда кабыл алынган.
Ядролук материалдарды тынчтык жолу менен колдонуунун коопсуздугун камсыз кылуу максатында мамлекеттердин кызыкчылыктарынын биригишине түрткү берди. Биргелешкен аракеттердин жыйынтыгы 1979-жылдын 26-октябрында түзүлгөн "Ядролук материалды физикалык коргоо тууралуу" конвенция саналат.
Конвенция кабыл алынгандан бери 30 жыл аралыгында ядролук материалды физикалык коргоо тууралуу конвенциянын катышуучу өлкөлөрүнүн саны көбөйүүдө. Мисалы, 2010-жылдын июнь айына карата ядролук материалды физикалык коргоо тууралуу конвенциянын катышуучуларынын саны 143 мамлекетке жеткен.
Бул Конвенцияны кабыл алуу Кыргызстандын мамлекеттик бюджетине кошумча финансылык чыгымдарды алып келбейт.
Мыйзам расмий жарыяланган күндөн тартып он күн өткөндөн кийин күчүнө кирет.
