БИШКЕК, 7-июль — Sputnik. Кыргызстандын вице-премьер-министри Абдырахман Маматалиев Тажикстандын президентинин жардамчысы Шералы Хойруллоев менен 6-июлдагы Баткендеги чек ара чатагынын себептерин талкуулады.
"Мамлекеттик чек аранын аталган тилкесинде делимитациялоо процесси аягына чыкпай, тилке макулдашылган эмес. Тараптар эки өлкөнүн бардык тийиштүү түзүмдөрүнүн катышуусунда тыкыр иликтөө жүргүзүү тууралуу макулдашты", — деп билдирди маалымат кызматы.
Чек ара чатагын кыргыз тараптан Баткен гарнизонунун Аскер прокуратурасы териштире турган болду.
Азыр Баткен облусунун чек ара айбагында абал салыштырмалуу туруктуу экенин өкмөттүн маалымат кызматы маалымдады. Кыргыз-тажик мамлекеттик чекара тилкесиндеги өткөрүү пункттары күндөлүк тартипте иштеп жатат.
