Кармоо учурунда тоскоолдук кылган Финполдун кызматкерине кылмыш иши козголду

Жазылуу
Бошотууга аракет кылган кызматкер кармалгандар менен кошо УКМКга алып келинген. Текшерүүнүн жыйынтыгында анын мас абалда экени аныкталган.

БИШКЕК, 24-июнь — Sputnik. Коррупцияга каршы күрөшүү агенттиги (КККА) тарабынан кармоо учурунда тоскоолдук кылган Экономикалык кылмыштуулукка каршы күрөшүү боюнча мамлекеттик кызматтын (ЭКККМК) кызматкерлерине кылмыш иши козголгонун УКМКнын маалымат кызматы билдирет.

Кол кишен. Архив - Sputnik Кыргызстан
Атайын кызмат: ЭКККМК кызматкерлерин кармоодо кесиптештери тоскоолдук жаратты
Буга чейин 19-июнь күнү КККА жүргүзгөн иликтөө иштеринин натыйжасында ЭКККМКнын эки кызматкерин 300 миң сом өлчөмүндө пара алып жаткан жеринен кармаган. Алгачкы тергөө аракеттери жүргүзүлүп жаткан учурда ЭКККМКнын 20 кызматкери кармалгандар отурган унааны тегеректеп, жүрүүсүнө тоскоол кылышкан. Мындан тышкары, бир кызматкер эшикти ачып, кармалгандарды унаадан чыгарууга аракет жасаган. 

Натыйжада бошотууга аракет кылган кызматкер кармалгандар менен кошо УКМКга алып келинген. Текшерүүнүн жыйынтыгында анын мас абалда экени аныкталган.

22-июнда ага Башкы прокуратура тарабынан кылмыш жаза кодексинин 318-беренеси ("Тергөө иштерине тоскоолдук кылуу") беренси боюнча кылмыш иши козголду.

Иликтөө иштери жүрүп жатат.

Жаңылыктар түрмөгү
0