БИШКЕК, 12-июнь — Sputnik. Ош шаарына келген Бириккен Улуттар уюмунун башкы катчысы Пан Ги Мундун жубайы Пан Сун Дек ЮНЕСКОнун ыйык мурастар тизмесине кирген "Сулайман-Тоо" комплексинде болду.
Ал жерден шаар жаштары тарабынан даярдалган концерттик программа, кыз ала качуунун терс көрүнүштөрүн чагылдырган эпизод көрсөтүлдү.
1/3
© пресс-служба мэрии г. Ош
Пан Ги Мундун жубайы Пан Сун жана КРдин министри Эльвира Сариева ЮНЕСКОнун ыйык мурастар тизмесине кирген "Сулайман-Тоо" комплексинде болду.
2/3
© пресс-служба мэрии г. Ош
Алар "Үңкүр" музейине барып, сакталып турган кыргыздардын улуттук кийимдери менен таанышты.
3/3
© пресс-служба мэрии г. Ош
Пан Сун Дек айым "Сулайман-Тоо" археологиялык музейинин ардактуу жаран китепчесине каалоо-тилектерин жазды.
1/3
© пресс-служба мэрии г. Ош
Пан Ги Мундун жубайы Пан Сун жана КРдин министри Эльвира Сариева ЮНЕСКОнун ыйык мурастар тизмесине кирген "Сулайман-Тоо" комплексинде болду.
2/3
© пресс-служба мэрии г. Ош
Алар "Үңкүр" музейине барып, сакталып турган кыргыздардын улуттук кийимдери менен таанышты.
3/3
© пресс-служба мэрии г. Ош
Пан Сун Дек айым "Сулайман-Тоо" археологиялык музейинин ардактуу жаран китепчесине каалоо-тилектерин жазды.
БУУнун башкы катчысынын жубайы алгач Сулайман-Тоодогу "Үңкүр" музейине барып, ал жерде сакталып турган кыргыздардын улуттук кийимдери, турмуш-тиричиликке пайдалануучу буюмдары менен таанышты. Аны КРдин билим берүү жана илим министри Эльвира Сариева коштоп жүрдү.
Пан Сун Дек айым "Сулайман-Тоо" археологиялык музейинин ардактуу жаран китепчесине "Кыргызстанга жасаган бул иш сапарымда Кыргызстан жана Кыргызстандын маданияты тууралуу көптөгөн жакшы нерселерди үйрөндүм. Мындан ары Кыргызстанга баардык жакшылыктарды каалайм", — деген кол жазмасын калтырды.
Белгилей кетсек, БУУнун баш катчысы Пан Ги Мун мырза Кыргызстанга болгон иш сапарынын алкагында Ош шаарына келген.
