Бороондуу шамал 30 светофорду иштен чыгарды

Жазылуу
Алай-дүлөй шамалдын кесепетинен Бишкектин борбордук көчөлөрүндөгү светофорлор жабыркады. Аларды калыбына келтирүү үчүн 4 ремонттук бригада иш алып барууда.

БИШКЕК, 9 июнь— Sputnik. Бороондуу шамал Бишкек боюнча 30 светофорду иштен чыгарганын Sputnik агенттигине Жол кайгуул кызматынын курулуш-монтаждык эксплутациялоо башкармалыгы билдирди.

Электр оңдоогон кызматкер. Архив - Sputnik Кыргызстан
"Түндүкэлектро" ААК: 130 оперативдүү бригада электр кубатын калыбына келтирүүдө
Дүйшөмбү күнү кечки саат сегизде катуу шамал болуп, андан бактар кулап, электр түйүндөрү жабыркаган.

Маалыматка ылайык, учурда Дэн Сяопин, Абдрахманов, Масалиев, Курманжан датка көчөлөрүндө жана Чүй, Жибек Жолу проспектилеринде светофорлор иштебей турат.

Аларды калыбына келтирүү үчүн төрт ремонттук бригада иш алып барууда.

Адистердин айтымында, светофорлор кечке чейин өз калыбына келет. Көчөлөрдөгү автотыгындардан улам жарактан чыккан объектилерге жетүү кыйын болууда.

Жаңылыктар түрмөгү
0