БИШКЕК, 30-май — Sputnik. Айкидо федерациянын вице-президенти Александр Хабидулин Кыргызстандын жана федерациянын желегин Япониядагы Фудзи тоосунун чокусуна сайганын Тышкы иштер министрлигинин маалымат кызматы билдирди.
23-майда Токия шаарында Бүткүл Япониялык Айкидо-2015 иш чаралары өткөн. Жыл сайын болуучу иш чарага 10 миңден ашык спортчу катышкан. Ага Япониядагы спорттун бул туру боюнча ишмердик кылган клубдардын тарбиялануучулары катышкан. Чет жактан саналуу гана чакырылган коноктордун катарында кыргызстандыктар да бар. Андан сырткары Литва, Польша, Россия жана АКШ мамлекеттеринен спортчулар келген.
Кыргызстандын спортчулары Япониядагы "Ниппон Будокан" согуштук өнөр борборунда биринчи жолу өздөрүнүн өнөрлөрүн көргөзүштү. Ошондой эле, айкидонун "Хомбу Додзе" Дүйнөлүк борборунда спорттун чеберлери менен тажрыйба алмашып, айкидонун негиздөөчүсү Морихэй Уэсиба менен машыгышты.
