БИШКЕК, 13 мая — Sputnik. "Восток геолдобыча" ААКы Геология боюнча мамлекеттик агенттигине Жерүй кенин иштетүү үчүн алгачкы 10 миллион долларды которду.
Кенди иштетүү укугун берүүчү лицензия 100 миллион долларды түздү. Жерүй кени боюнча конкурс 4-майда өтүп, аны "Восток геолдобыча" компаниясы утуп алган. Бул компания Муса Бажаевдин "Русская платина" мамлекеттик концернинин бир бөлүгү болуп саналат.
Конкурстун шарттарына ылайык, жеңүүчү кепилденген 10 пайыздык төлөмдү беш жумушчу күн ичинде , 13-майга чейин жүргүзүшү керек.
"Бүгүнкү күнү 10 миллион доллар өлчөмүндөгү кепилденген төлөм Геология боюнча мамлекеттик агенттигинин эсебине түштү", — деп айтылат билдирүүдө.
Калган 90 пайызы конкурстук комиссия жеңүүчү аныктоо боюнча чечими "Эркин-Тоо" гезитине чыккандан тарта 30 жумушчу күн ичинде төлөнүшү керек. Ведомстволор аралык конкурстук комиссиянын чечими 8-майда жарыяланган, башкача айтканда, калган сумма 22-июнга чейин төлөнүп бүтүшү керек.
