БИШКЕК, 22-апр. — Sputnik. Батыштагылар жаңылыктарды берүү жөн гана пропаганда экенин түшүнө баштады деп эсептейт "Далил плюс" эксперттик клубунун талдоочусу Марс Сариев.
Сариевдин айтымында, дүйнө виртуалдуу мүнөзгө ээ болуп калды. Европада жаңылыктарды берүү Батышка ыңгайлуу көз карашты калыптандыргыдай уюшулган. Болгонун болгондой чагылдырып берүүнүн ордуна, окуяларды пропагандалык таасирде чечмелөө жүрүп жатат дейт талдоочу.
Адистин маалыматы боюнча, Батыш коомчулугу объективдүү эмес кабарлар берилип жатканын түшүнө баштады.
"Украинадагы окуялар расмий ЖМКлар берген маалыматтарды эл жеке сын көз карашта кабыл ала баштаганын көрсөттү. Жөн гана пропаганда жүрүп жатканын эми коомчулук түшүнүп калды", — деп пикир бөлүштү Сариев.
Альтернативалуу маалымат булагы катары Интернетти пайдалануу менен элдер окуялар жөнүндө бийлик берип жаткан маалыматтын чын-төгүнүн аныктай алышат. Ал эми ак сөөктүк кылган бийлик тобу эми мурдагыдай коомдун аң-сезимин көз боочулук кылып башкара албай калды.
"Sputnik.Пикирлер" долбоору тууралуу маалымдама
Sputnik (sputniknews.com) — ондогон өлкөлөрдөгү мультимедиалык хабдарга ээ маалымат агенттиги жана радио. Sputnik өзүнө сайттары, аналогдук жана сан ариптик радио берүүлөрдү, уюлдук тиркемелери жана социалдык түйүндөрдө беттерди камтыйт.
