БИШКЕК, 5-апр. — Sputnik. 2002-жылдын 17-мартында Жалал-Абад облусунун Аксы районунда болгон кандуу окуялардын курмандыгын эскерүү үчүн өкмөт 100 миң сом бөлө турганын КР өкмөтүнүн маалымат кызматы билдирди.
Тийиштүү жарлыкка премьер-министр Жоомарт Оторбаев кол койду.
Эксперттер тарабынан "Акаевдик режимдин кулашынын башталашы" катары эсептелген окуя 2002-жылдын 17-мартында Аксы районунун Боспиек айылында болгон. Ошол убактагы бийликтин өзүм билемдигине каршы чыккан элге курал колдонулуп, анын кесепетинен алты киши өлгөн.
