Айыл чарба министрлигинин кызматкерлери уурдаган 4 млн. сом бюджеттен төлөндү

Жазылуу
Донорлор суу менен камсыздоо боюнча долбоорду ишке ашырууда макулдашылбаган чыгымдарды калыбына келтирүүнү Айыл чарба министрлигинен талап кылган. Ал эми бул каражат мамлекеттик бюджеттен төлөнгөн болчу.

БИШКЕК, 3-апр. — Sputnik. Айыл жерин суу менен камсыздоо департаментинин кызматкерлери жеп алган 4 миллион сомду эл аралык донорлорго мамлекеттик бюджеттин эсебинен төлөнүп берилгенин Экономикалык кылмыштуулукка каршы күрөшүү мамлекеттик кызматы билдирди.

Аталган кызматтын кызматкерлери ири көлөмдөгү бюджеттик каражат уурдалган фактыны аныкташкан.

Уголовное дело - Sputnik Кыргызстан
Министрлик менен өкмөт аппаратынын кызматкерлерине каршы кылмыш иши козголду

Айыл чарба министрлигинин Айыл жерин суу менен камсыздоо департаментинин Долбоорлор боюнча башкармалыгынын кызматкерлери 2008-2013-жылдары Дүйнөлүк банк, Азия өнүктүрүү банкы, эл аралык уюмдар тарабынан гранттык жана кредиттик негизде долбоорлорду ишке ашырууга бөлүнгөн каражаттардан 4 миллион сомдон ашык акчаны кымырып алганы аныкталган.

"Эл аралык донорлор бул чыгымдарды төлөп берүүнү талап кылганда, алар министрликтин кызматкерлери жеп алган каражаттарды мамлекеттик бюджеттен төлөп беришкен", — деп айтылат билдирүүдө.

Бул ишке тиешеси бар адамдарга карата кылмыш иши козголгондугун аталган маалымат кызматы кошумчалады.

Жаңылыктар түрмөгү
0