БИШКЕК, 25-мар. — Sputnik. Атамбаев Австрияга жасаган расмий сапарынын алкагында ЕККУнун башкы катчысы Заньер менен бирге Вена шаарында Кыргызстанда болуп жаткан саясий жана маданий окуяларга байланышкан сүрөт көргөзмөсүнө барганын президенттин маалымат кызматы билдирди.
Фото көргөзмөгө кыргыз фото журналисттеринин 2010-жылдын 7-апрелиндеги окуяларды чагылдырган, ошондой эле 2014-жылы Кыргызстанда өткөрүлгөн Көчмөндөрдүн дүйнөлүк оюндары тууралуу баяндаган даректүү фото сүрөттөрү коюлган.
Фотокөргөзмөнү белгилүү журналист Лейла Саралаева ачып, Кыргызстандын тарыхында бурулуш жасаган окуяга беш жыл толгонун белгиледи.
Каргашалуу 2010-жылдын 24-мартында 77 адам каза таап, 400дөн ашуун жаш азаматтар жарадар болгон.
Атамбаевдин Европа мамлекеттерине болгон расмий иш сапары 1-апрелде аяктайт.
