БИШКЕК, 16-мар. — Sputnik. Кайтадан эмдетүү зыянсыз экенин Дүйнөлүк саламаттыкты сактоо уюмунун эксперти Сергей Дешевой дүйшөмбүдө Бишкектеги маалымат жыйында билдирди.
Анын айтымында, ар бир масштабдуу вакцинациядан кийин калктын бир пайыздан беш пайызга чейинки бөлүгү корголбой калат.
"Биз кишини текшербей туруп, анын абалы тууралуу айта албайбыз. Эмдөө качан гана калктын бардык катмарын камтып, оорунун өсүүсү нөлгө жакындаганда калк корголгон деп айтууга болот. Бирок, эки жарым айда эле Кыргызстанда 11 миң киши кызылча дартына чалдыкканын карап туруп, алардын кызылчага каршы эмделгенине карабастан, калк бул дарттан корголбогонун түшүнүп жатабыз", — деди ал.
Дешевой ошондой эле, кызылча жана кызамык дартына каршы кайтадан эмдөө алуу ден соолукка зыян эмес экенин белгиледи.
Саламаттык сактоо министрлигинин маалыматы боюнча, 1-январдан 11-мартка чейин Кыргызстанда кызылча менен ооруган 11 миң 156 адам катталган.
